خان آغا نوري ویب جوړوونکی، ژباړن او د ټولنیزو رسنیو لپاره منځپانګه جوړوونکی دی، د اقتصاد او تجارت په پرخه کې ډېپلوم لري او په جرمني کې یې د ویب جوړونې او پروګرامینګ په برخه کې مسلکي زده کړې کړې دي. ښاغلي نوري په افغانستان کې په ځینو دولتي ادارو کې پر دندو سربیره، له یو شمیر نادولتي روزنیزو او تربیوي بنسټونو سره د تعلیمي او روزنیزو موادو د ژباړې په برخه کې کار کړی دی. نوموړی اوس مهال په جرمني کې مېشت دی او د زده کړو ترڅنګ ، په ټولنیزو چارو کې فعال دی. هغه «د افغان جرمن اېنفو» او «آسانه جرمني زده کړه» ویب پاڼو بنسټګر دی او د کډوالو اړوند ځینو بنسټونو سره له جرمني او انګلیسي ژبو څخه پښتو ته د موادو د ژباړې په برخه کې په رضاکارانه توګه کار کوي. نوموړی په جرمني د هڅوب له بنسټګرو هم دی.